A mental distribution

Fullur Sjór

2006-10-24T21:54:00.000+01:00

Eitthvað til að missa vatnið yfir

Já, það hefur ansi mikið vatn runnið til sjávar síðan í síðasta bloggi, eiginlega svo mikið að sjávarmálið hefur hækkað svo mikið að eyjar út um allt eru sokknar og ég þar með búinn að gleyma hvað gerðist á þeim. Enn eitthvað hlít ég að getað böllað. Nú, ég er sum sé búinn með skólann og skotland, í bili allavega. Útskrifaðist með Diploma í audio engineering og er nú fær í flestann sjó allavega(þrátt fyrir allt vatnið sem rann í hann). Ég er sum sé kominn aftur í myrkrið og kuldann á íslandi, heyrðu og hvað er þetta? eru þið ekki að grínast? Hvað er með þennan kulda hér? Ok ef ég hefði lent og það væri 30 stiga hiti, sól og allir í bikiníi þá væru náttúrulega soldil vonbrygði að koma til lands sem heitir ísland. Þá þyrfti að byrja að markaðsetja landið upp á nýtt, þið vitið bláa lónið þyrfti að vera kallt, með tilheyrandi kostnaði, það þyrfti að skýra landið upp á nýtt, kanski örbylgjuland, eða Kol land. Nei ok þessi nöfn eru hálf vandræðaleg og kanski bara eins gott að sætta sig við helvítis kulið. Allavega ég er sum sé kominn aftur og skellti mér inn landganginn og beint á airwaves. Það var sussum ágætt, margt betra enn annað þar og að sama skapi margt verra enn hitt. Margt sem ég skil ekki við þessa hátíð, hvurs lags meðferð er þetta t.d. á íslenskum böndum? Meðan mis léileg erlend bönd eru trítuð eins og kóngar þá mega sum klakabönd þola þann skít að fá ekki einu sinni passa fyrir meðlimi á hátíðina. Ekki fá þau borgað, nema kanski einn bjórmiða... á meðan eru erlendu böndin keyrð fram og til baka á kostnað hátíðarhaldara og allt borgað undir boruna á þeim. Jæja nóg um það, ég er sum sé ekki mjög hrifinn af þessari framkomu sem þessir blessuðu menn, sem láta mann jú borga hátt í 8000, viðhafa við íslenskættuð bönd. Nú það sem þeir nota til að réttlæta þetta er að á hátíðinni séu útsendarar frá plötufyrirtækjum sem séu með vasa fulla af Gulli tilbúnir að henda í allt þetta hæfileikafólk hér. Enn hvað hefur gerst? ég bara spyr? eru þið búin að sjá marga meika það eftir að hafa spilað á loftbylgjunni? Ekki ég....
Allavega það sem hefur á mína daga drifið er margt og mikið síðan ég asnaðist til að blogga síðast, fékk geðveika íbúð í glaskó og lifði eins og kóngur, missti hana og svaf á sófa í mánuð hjá bekkjarfélögum meðan reynt var að hnýta enda saman. Enn svo ákvað ég að skella mér aftur á klakann... æji ég eiginlega nenni ekki að blogga meira hehe... kanski að ég komi með eitthvað hressara næst, og kanski eftir ekki eins langan tíma
Gleði og glaumur
klakapilsið

jájá blogg já

2006-06-12T22:34:00.000+01:00

Eitthvaًð til aًð missa vatniًð yfir

yea i´m ni dead yet... still hangin in the scottish hobo society
já það er mikið búið að ganga á hér hjá skotapilsunum...
Einn daginn var þrumuveður og það varð einn fyrir þrumu... fótboltagaur einhver.. enn það kemur sussum ekkert á óvart það eru 90% líkur að skoti sem verður fyrir eldingu sé fótboltamaður þar sem eiginlega allir hér eru gagnteknir af tuðrusparki. Þó sjaldgjæft sé að sjá þá í pilsunum á vellinum... því miður.. eða kanski sem betur fer..
Svo er búið að vera svoleiðis steik hér síðustu vikur að ég lít út eins og ristaðbrauð með tómatsósu... öss... enn það reddast. Nú erum við kominn í öll stúdíoin og mar er að mixa á deskum sem kosta jah þónokkra tugi milla... jájá mar sættir sig ekki við neitt slor..
Fór á klakann í korter um daginn, í brúðkaup hjá Júlla félaga.. magnað stöff, þau komu öllum á óvart og höfðu það ásatrúarbrúðkaup sem varð til þess að ég er kominn niður í bein á handabökunum yfir því að hafa ekki tekið með myndavél... þetta var allveg stórkostleg skemmtun og gaman að hitta allt þetta fólk, innlent sem kanalent.
já mar er svona fullur af upplýsingum að ég finn ekkert meira til að röfla um.. kanski líða færri ár í næsta blogg hjá mér... sjáum til, og bæ ðe vei ef einhver er sár yfir því að ég heilsaði ekki upp á þá á þessu korteri, farið þá í röð... því miður gat ég ekki gert neitt nema verið fullur í brúðkaupi og edrú í barnaafmæli sem var mjög gaman líka... svo var hoppað beit yfir atland og beint í próf þannig að úff þetta var ansi strembið enn allt gekk vel og allir kátir allavega ég og hinn persónuleikinn minn
au revoir
ps
Ekki hika við að betla óskalög með kamp knox á rás 2 svona nú snúum bökum saman og gerum uppreisn... þá vil ég taka það fram að þessi persóna sem er að kasta skít á netinu á hinum ýmsu bloggsíðum á íslandi hefur ekkert með hljómsveitina Kamp Knox að gera... hefur bara áttað sig á þessu frábæra nafni og tekið upp á því að nota það...
og ef þið sjáið Bjarkar son gefið honum koss frá mér.. enn verið í skotheltu vesti
tjá
Andskotapilsið

Good Times

2006-03-04T19:30:00.000Z

Eitthvaًð til aًð missa vatniًð yfir
Já kanski kominn tími til að blogga, svona fyrst að mar er jú á lífi...
Mikið búið að ganga á hér í Glasgow síðann síðast, Kamp Knox (annað nafn yfir óheppnasta band í bransanum) kom yfir, vængbrotin þó þar sem einn meðlimur komst ekki því miður.
Við æfðum í 6 tíma á föstudeginum og uppskárum blöðrur og eitt nýtt lag, virkilega gaman. Svo var bara tekið því rólega, étið og svona... á laugardeginum áttum við bókað gigg á stað hér og æfðum í 3 tíma þetta líka rosalega program, lögin öll tekin í gegn og rokkuð upp og mikið stuð sett í græurnar. Nú svo þegar við vorum að pakka saman og tilbúnir í lætin, þá fékk ég sms um að hljóðkerfið á staðnum hefði brætt úr sér og öllum tónleikum aflíst!! jamm svona gengur það.. enn við ákváðum að slá þessu upp í kæruleisi og duttum í það... jamm good times... svo var það sunnudagurinn... við áttum bókað gigg á stað sem heitir The Goat.. nú við töltum þangað með græurnar, þegar við komum inn og hentum inn mögnurunum sem við höfðum leigt varð hljóðmaðurinn gráhærður á núlleinni og tilkynnti okkur þetta ætti að vera órafmagnað gigg... hmm... jæja við náðum að semja við hann að hafa þetta svona semi-accustic og róuðum hann niður með því að lýsa því að við ætluðum bara að taka svona rólegheitar chill out gigg. Nú svo stígum við á svið og í fyrsta laginu, í miðri setningu hjá Jóa deyr mækinn hans... og ég kláraði línunna, svo slitnaði bassaólin mín,, sem er með lás ... á ekki að vera hægt!!! enn við héldum bara haus og spiluðum áfram, enda að verða orðin öllu vön!! Nú í salnum voru víst meðlimir Belle and Sebastian og skemmtu sér vel... sem er jákvætt. Jæja svo fórum við upp í SAE og tókum upp eitt lag, til að gera lengri sögu styttri þá bilaði talkbackið í studioinu á yfirnáttúrulegan hátt... greinilega hefur studioið áttað sig á því að óheppnasta bandið var mætt og ákveðið að leggja sitt af mörkum í þá hrakfallasögu... enn Lagið kláraðist og er auðvitað hrein snilld eins og allt sem við gerum hehe... Þetta er ekki allt... enn ég bara hreinlega nenni ekki að tala um allt sem gekk á afturfótunum hjá okkur, enda var þessi helgi/vika alveg sérlega skemmtileg.
Af mér er svo að frétta að við erum komin í fyrsta stúdioið og nú er gaman... próf framundan og svona mikil vinna í þessu og svo þarf mar náttúrulega að skrá sig inn á næturklúbbana endrum og sinnum.
Meira síðar
gleðigleði
tsjá

Flugeldalaust skotland

2006-01-07T15:02:00.000Z

Eitthvað til aًð missa vatniًð yfir

Jú jólin hér í Glasgow voru með rólegra móti hjá undirrituðum.
Ég keypti ýmislegt góðgæti til að búa til almennilegann jólamat, þar sem ég átti piparsteik í frystinum þá ákvað ég að láta það verða part af veislunni. Ég keypti líka þetta fína Chile rauðvín á ótrúlegu verði og stefndi nú allt í rosa veislu.
Nú svo kom að eldamennskunni.., hún tók alveg 2 tíma og ég tilbúinn að borða piparsteik með rauðvínssósu og brúnuðum kartöflum ásamt fullt af dýrindis grænmeti og hrísgrjónum.
Þá kom í ljós að piparsteikin mín var ekkert annað enn piprað nautabuff!!! úff.. vonbrigði... enn bragðaðist samt bara vel með rauðvínssósunni og brúnkunum. Svo opnaði ég rauðvínið sem var þá ekki einu sinni með korktappa heldur skrúfutappa eins og á standard vodka fleig!! enn jæja það bragðaðist vel og maturinn fór bara vel í kútinn..
Svo var mér boðið í dýrindis mat hjá Bigga, konu og barni og var það toppurinn á jólunum þetta skiptið. Svo var bara sofið og slappað vel af fram að áramótum.
Það var ansi magnað kvöld, mikið tekið á í glasaliftingum og svo lög sungin yfir gítarspil bæði inn í stofu og inn á klósetti... hmm... Svo var haldið niðrí bæ, þar kom nú í ljós að allir staðir voru kúgfullir og ekki séns að komast inn!! nú þurftum við að leggja toppstykkið í vökva, þá hittum við nokkra krakka sem voru á heimleið af Art school café og fengum við afrifurnar af miðunum þeirra til að reynað svindla okkur inn.. ég fór fyrstur og það gekk svo kom Svenni og hann rann inn líka og Biggi, enn greiið óli var stoppaður og okkur Bigga hent út í kjölfarið... þá tóku við langar samningaviðræður sem enduðu með því að við mútuðum dyravörðunum til að komast inn hehe.. Svo héldum við áfram að æfa okkur í glasaliftingunum og var bara hörku stuð..
Núna er skólinn svo byrjaður aftur og er hann alveg í fjórða gír þannig að það er eins gott að farað leggjast í lærdóm.
Gleðilegt nýtt ár allir og takk fyrir eitthvað gamalt
Cheeríó

Glasgójólahjól

2005-12-13T23:42:00.000Z

Eitthvað til að missa vatnið yfir

Fór á tónleika með Arab Strap um daginn.. til að gera langa sögu stutta þá voru þetta bara einir bestu tónleikar sem ég hef farið á. Fyrir utan það að framarlega við sviðið var einhver vandaður skoti "taking a piss" á Moffat söngvara... Hann gekk svo langt að hóta að býða eftir söngvaranum við útganginn og lemja hann þar... okkar maður stóð sig með prýði í að höndla þetta og stoppaði sjóvið í smá stund meðan nokkur ve valin orð voru látin flakka.. Svo var kauða hent út.. Meðal annars kom þetta gullkorn frá Moffat: " honestly, who pays 12 pounds for a show and then just takes a piss at the band? It sounds to me like buying a pizza and have a shit on it before you eat it!" Já gott fólk ég hélt ég myndi missa vitið úr hlátri...
Annars er að frétta héðan úr Glasgow að heimamenn hafa yfirgefið skotgrafirnar, í bili allavega.
Ég er byrjaður í aðal áfanga námsins sem er audio engineering og er það ekkert smá stökk..
Þetta er eins og að fara úr barnaskóla beint yfir í háskóla.. úff hvað það er mikið meira að læra núna.. enn samt allt gaman auðvitað
Svo er að koma jólafrí og verðum um Glasgow jól að ræða hjá mér í þetta sinnið...
jæja tími fyrir draumaheima
cheers
Gummi

Take a shit on your pizza and eat it afterwards

2005-11-30T04:50:00.000Z

Eitthvað til að missa vatnið yfir

Já blessaðir Skotarnir, það verður ekki upp á þá logið!
Nokkru eftir að ég skilaði mér aftur af klakanum þá verður mér talsvert brugðið þegar líða tekur á laugardags eftirmiðdag.. Jú það eru bara sprengingar og læti út um allt.. nú ég hætti mér út til að kynna mér hvað um væri að ske. Ég hnippti í einn alskoskann og spurði: what eee what the hell is going on? og hann sagði mér alla söguna. Nú, fyrir 200 árum eða svo þá tók einn vitleysingurinn hér upp á því að reyna að sprengja einhverja mikilvæga byggingu (jú sko hann var að tala rammskosku þannig að ég náði ekki öllum díteilum skiljiði) Enn áður enn honum tókst ætlunarverkið þá höfðu laganna verðir hendur í lubba hans og fleygðu honum innan um sementið. Ok .. skiljiði.. En AF HVERJU.. hvaða.. hverjum dettur í hug að halda upp á þessi tímamót og það með þessum hætti.. Þetta var eins og meðal gamlárskvöld um 00 leitið á íslandi!! Svo voru menn uppáklæddir í þjóðbúninginn, Kelts og allt, vantaði bara sekkjapípurnar á þá.. Svo er það annað, skotar eiga við einhver ofbeldisvandamál að stríða hér í Glasgow og hefur hún nú ekkert sérstaklega gott orð á sér.. hmm.. hvert væri nú fyrsta skrefið í að sporna við því.. hmmm... kanski að hætta að hafa HNÍF sem hluta af búningnum!!
Jæja nú er verkefna og próftörnin senn á enda, er bara að reyna að ljúka við síðasta verkefnið, klára það í þessari viku, svo tekur aðal dæmið við audio engineering.. get ekki beðið..
Senn líður líka að Stebba, hann rekur hingað á land á föstudag... þá verður glatt á hjalla...
Cheers

Sprengjur til að fagna sprengju!?!

2005-11-08T09:05:00.000Z

Eitthvað til að missa vatnið yfir

Klakinn, blessaður klakinn.. hann tók á móti mér með blindbil.. já kaldar kveðjur það, enn ég tók það nú ekkert sérstaklega persónulega í þettað skiptið, af flugvellinum skutlaði pápi mér beint upp á rás 2 í viðtal hjá Guðna Má sem gekk bara nokkuð vel. Svo var haldið af stað í snatt út um allan bæ ásamt hljómsveitinni, svo beint á æfingu og svo spilerí á Sirkús um kvöldið. Haukur, Heimir og félagar voru svo yndælir að lána okkur húsaskjól og rafmagn,þann daginn, til að æfa fyrir helgina. Sirkús.. Sigga er snillingur og vildi allt fyrir okkur gera, svo spiluðum við yfir ansi athyglisverðum viðbrögðum gesta. Við hituðum upp fyrir hina mögnuðu Björk Guðmundsdóttur, sem þeytti skífum á eftir okkur. Hún ætti kanski að renna aftur yfir Mannleg samskipti 101 bara svona til að fúnkera í íslensku þjóðfélagi. Annars spilaði hún fína músík um kvöldið, milli þess sem hún ýtti öllum í kringum sig frá, þvi enginn má vera í vegi fyrir drottningunni. Svo voru launin tekin út á sirkus til ca 1, haldið heim í föðurhús og draumaheima vitjað... til svona 10. Svo tóku við tónleikar í Smekkleysu, gallerý humar og frægð. Þar afrerkuðum við það að spila fyrir fleiri gínur enn mannfólk.. og verð ég að segja að þær eru bara mjög góðir hlustendur. Svo tóku við tónleikar í kaffi Hljómalind. Þar tókum við upp á því að lækka ansi mikið í okkur og djassa prógrammið mikið.. þetta var bara svei mér þá allveg magnað.. gæti vel hugsað mér að taka fullt af svona settum, þó svo að klakafólk hefði mátt fjölmenna aðeins betur þangað. Þá fórum við að hengja upp plagöt og flæera, svona síðasti séns fyrir útgáfu tónleikanna daginn eftir. Þá rifjaði ég upp smá svefn, vaknaði og haldið var á æfingu.. nú auðvitað fór rafmagnið í afingahúsnæðinu, enn þó bara okkar meginn á ganginum, bara svona í tilefni stress okkar fyrir útgáfusettið. nú Siggi á gauknum tók vel í skæl okkar og hleypti okkur inn á Gaukinn til að æfa , af sannri manngæsku, og er sá mæti snillingur kominn í okkar bækur sem meistari. Tónleikarnir gengu vel fyrir sig og vorum við bara nokk sátt, enn þreytt. Eitt atriði verð ég þó að nefna.. þessir svo kölluðu vinir mínir í decode, þar sem ég er skráður látinn, já þið vitið hver þið eruð... ekki sáuð þið ykkur fært að njóta kvöldsins með okkur fyrir utan náttúrulega Stebba meistara og Kötlu SNILLING, sem gæddu staðinn ljósi og gleði ... og flassi..
Þetta skal ég muna þegar þið haldið útgáfutónleika!!
Svo var haldið aftur til skotapilsa á þriðjudeginum´. Í flugrútunni, til víkur kefla, var enginn annar en uppáhalds íslendingurinn okkar, já, Bobby Fisher,you know,you know,you know, þetta sagði hann yfir þúsund sinnum á þessari stuttu ferð, milli þess sem hann skrafaði um samsæri cia, fbi, og samstarf þeirra við íslensku lögregluna, sem voru náttúrulega allir að fylgjast með Bobby. Já það er eins gott að eftirlitið með kallinnum er svona gott, annars væri hálf jörðin atvinnulaus!!!
ekki meira nöldur í bili
skál!

Ég á túr!?!

2005-10-26T20:05:00.000+01:00

Eitthvað til að missa vatnið yfir
ehh.. get ekki sagt að ég hafi verið mikið duglegri við að blogga í síðustu viku.. enn hei ég er að reyna..
Allavega, þá er allt í taumlausri gleði hér bara.. diskurinn er lentur á íslandi og ég lendi þar á föstudaginn.. svo er bara stanslaust tónleikahald alla helgina og svo aftur í land whisky bruggara.
Rigning er eitthvað sem hefur fengið nýja merkingu í mínu toppstykki.. í tíma á þriðjudaginn fórum við út til að taka upp 15 mín. af efni á vídeotökuvél til að klippa í tíma.. og hvað gerðist.. jú það fór að rigna.. já rigna með stórum stöfum : RIGNA, við erum að tala um að ég held að ég hafi tapað allavega 5 cm í henni, svo fast barði hún á hausinn á mér. Ég labbaði til baka, í skólann, kanski 2 mín.. og ég var eins og ég hefði komið upp úr stöðuvatni.. fyrir utan styttinguna og má ég teljast til dverga hér eftir!!
Annars er það að frétta að Stebbi félagi kemur að smakka whiskyið hér í byrjun desember og svo mútta og systa um miðjan mánuðinn þannig að það þýðir að ég þarf að byrgja mig upp af whisky!!
Svo fórum við klakamenn og fundum æfingahúsnæði hér í borg, útbúið mögnurum trommusetti og grúbbíum (- þetta síðasta) og spiluðum okkur dauða.. taumlaus gleði.
Svo á mánudaginn tók ég mig til og spilaði eitt lag á klúbb hér sem heitir nice and sleazy á kassagítar og söng með .. allt frumsamið og nýtt af kúnni. Það gekk áfallalaust fyrir sig, græddi fullt af tómötum eina rotna kartföflu og rjómatertu. þannig að ég var bara nokk sáttur
allavega
skál

Kamp Knox Kamp Knox

2005-10-16T22:10:00.000+01:00

Eitthvað til að missa vatnið yfir

Jæja Nú er allt að gerast!!
Diskurinn margumtalaði með supergrúbbunni Kamp Knox kemur til landsins í næstu viku og verður vonandi fáanlegur í öllum miklu betri verslunum í þar næstu viku svo verið á tánum.
Ég kem svo á klakann 28 Október og spila alla helgina til að kynna diskinn..
Annars er það af mér að frétta að ég tók upp á því að verða eldri á fimmtudaginn og eru árin þá orðin 26 sem ég hef andað að mér mishreinu lofti á þessari kúlu
Hnífabandalagið the Union of Knives er hljómsveit sem ég fór að sjá um daginn hér í Skotlandi.. Þetta er nokkuð mögnuð grúbba sem ég get mælt með, hún spilar á airwaves.. kæmi mér ekki á óvart ef þeir verða næstu hittarar í heiminum.. hitti söngvarann í partíi hér og hann bauð okkur á tónleikanna.. nokkuð gott,, svo mæli ég með að allir sem fara á airwaves á annað borð fari að sjá Ampop.. ég er búinn að heyra nýja efnið þeirra og það er nokkuð magnað kaffi.
Í SAE er allt komið á fullt og er maður núna að vinna verkefni á nær hverjum degi og er það vel.. þetta er bara það skemmtilegasta sem ég get hugsað mér.. held að ég sé á réttri hillu hér.
Svo erum við í Kamp Knox búin að setja lög á rokk.is þannig að þið getið fengið forsmekkinn af því sem koma skal þar..
anyways nenni ekki að skrifa meira núna.. enn ég reyni að vera duglegri að blogga í þessari viku
yfir og út

Hnífabandalagið

2005-10-06T16:21:00.000+01:00

Eitthvað til að missa vatnið yfir

Þessi íbúð sem ég hef hérna er soldið spes.. dýnan á rúmminu er með plasti yfir og þið getið rétt ýmindað ykkur hvursu þægilegt það er, þegar lakið flettist af.. Þetta er eflaust mjög fínt fyrir fólk með plast fetish enn það hefur ekki enn blossað upp hjá mér..
Svo er þetta sussum nóg, þetta er svona staður til að drepast á bara.. íbúðarfélagarnir eru: Yoon mjög fín stelpa frá Kóreu, enn hún er að flytja til London þar sem mannsefni hennar er og skilur okkur eftir með einhvern Kóreskann prest sem kemur hingað í oktober.. hmm veit ekki.. svo er það Fredrik, franskur efnafræðingur sem er að klára masterinn í efnafræði hér.. hann er fínn soldið svartsýnn bara enn það er í lagi, Alex hinn óþolandi þjóðverji sem er búinn að skipuleggja ískápinn inni í eldhúsi, ég veit ekki hvað það er, hann fer bara í taugarnar á mér, Therése hin tvíkynhnegða sænska kjjötbolla, sem sá ástæðu til að tilkynna mér að hún væri tvíkynhneigð... veit ekki af hverju, hún er fín sussum hún er að læra fatahönnun og er mikið þjáður listamaður enn mjög fín þrátt fyrir það.. Ég er svona gæjinn sem nenni ekki að hanga með þeim í eldhúsinu, ég meina ég held að ég bara fitti ekki inn í þýska skipulagið.. anyways... hér á þessari kommúnu er fullt af partýdýrum, ég meina þetta fólk djammar öll kvöld, og við erum að tala um að það syngur, öskrar og dansar til svona 5 á nóttunni stundum þannig að meiraaðsegja ég vakna.. og þá er nú mikið sagt.. annars er sussum ágætt að vera hérna, ég hef ekki lent í neinu veseni hér enn allavega.. 7 9 13
Nú er skólinn heldur betur að kikka inn, próf í næstu viku og verkefna skil nr. 2 það er mjög gott til að halda sér við efnið..
ég kem til með að blogga 1 sinni í viku, nema eitthvað spes sé í gangi
Smælið framann í heimminn þá smælar heimurinn á móti
yfir og út

Plastdýnur og stanslaus gleðskapur

2005-09-25T16:38:00.000+01:00

Eitthvað til að missa vatnið yfir

Nú eru verkefnum farið að rigna yfir okkur í SAE, það er frábært að vinna þetta, þau eru frekar einföld svona til að byrja með en skemmtileg þó.
Við fórum að skoða gríðarstóra kirkju hér, hún var fremur undarleg á litin, svona rauðleit með svartri drungarlegri slæðu yfir. Inni í kirkjunni hittum við yndislega konu sem leiddi okkur um hana og sagði okkur allt um kirkjur í glasgow og sögunna á bak við þetta. Málið er að kirkjan var rauðleit enn í hinni gríðarlegu iðnbyltingu sem varð hér fyrir einhverjum árum þá fylltist loftslagið hér af mengun. Hús urðu svört af sóti og þessi kona vann sem hjúkrunarkona á þessum tíma og sagðist ekki hafa séð bleik lungu fyrr enn hún fór yfir til þýskalands að vinna þar. Lungu Glasgow búa voru svört!! eins svört og húsin voru orðin.
Í kirkjunni var eiginlega ekkert hefðbundið kirkju skraut.. það er vegna þess að engin páfi, engir erkibiskupar eða neinir uppamenn í hinni alþjóðlegu kristnu kirkju hafa völd í kirkju skotlands. Fólk varð brjálað á öllu bruðlinu sem þessir menn viðhöfðu, tóku pengina fólksins og lifðu eins og kóngar meðan almenningur svalt. Núna kemur fólk bara og yðkar trú sína án nokkura afskipta spilltra valdamanna kristinnar trúar. Þetta kerfi finnst mér töluvert fallegra heldur enn að blanda saman trú og peningabruðli.
Glasgowbúar eru miklir fótboltaunnendur eins og bretar almennt, það er magnað að fara í undergroundið þegar leikir hafa verið, annaðhvort er ekki líft fyrir söng og gleði og skrílslátum eða þá að loftið er þrungið þunglyndi og vonleysi. Maður þarf aldrei að spurja hvernin leikirnir fóru.
Lífið hér er mjög notalegt, fólkið kurteist og veðrið sæmilegt, ennþá allavega..
jæja nóg blaður í bili
farið í friði

Rauðar kirkjur svartar eins og lungu borgarbúa..

2005-09-13T08:59:00.000+01:00

Eitthvað til að missa vatnið yfir

Fyrsta vikan í SAE var fremur átakalaus, fyrstu tímarnir fara svona í það að hrista mannskapinn saman þar sem mikið verður um samvinnu. Maður er svona farinn að spotta hvernin sumir eiga eftir að hegða sér í vetur, það eru t.d. 2 gaurar sem tala stanslaust, hafa skoðanir á öllu og það kemst helst enginn að fyrir þeim, ekki einu sinni kennarinn.. en það á eflaust eftir að batna. Við fórum með nokkrum nemendum út eftir skóla á fimmtudaginn, þ.e. ég, Ralph (undarlegi filipíski hnokkinn), og íslendingarnir 2 (sem reyndust vera í sama bekk og ég) í tilefni af því að ein stelpan af tveimur í bekknum átti afmæli. Það var bara nokkuð mikið stuð sko, en það er nú eitt með djamm-menninguna hér, það loka nær allir staðir á slaginu 12. Og ekki nóg með það, síðasta drykkinn verður að afgreiða eigi síðar en 23.45 og kúnninn verður að vera að gjörasvovel að vera búinn að sleikja glasið að innan og búinn að taka hatt sinn og hipja sig út eigi síðar en 00.15.. ég er ekki að grínast, þeir eru vel strangir á þessu.. brenndi mig illilega á þessu á fyrsta djamminu hér.. var aðeins búinn að drepa 2 þegar ljósinn voru kveikt og manni varpað á dyr... Nú, það er nú sussum ekki öll nótt úti þrátt fyrir þetta rugl því í Glasgow eru líka "næturklúbbar" þeir eru sko opnir til kl 2 eða 3 hmmm .. hvurs lags sódómalandi kem ég frá eiginlega..
Annars er lífið hér bara ansi fínt, keypti fullt af mat og flösku af 12 ára gömlu viskíi á minna en það sem ég hef borgað fyrir svipað magn af mat í bónus..
Annað í fréttum er það að Kamp Knox diskurinn er kominn í framleiðslu og er væntanlegur til útgáfu í byrjun oktober líklega, svo haldiði aftur af eyðslunni og brennimerkið ca 2 fjólubláa A tad ´65 frá Kamp Knox
yfir og út..

Hvurs lags land lokar skemmtistöðum kl 12!!

2005-09-04T22:24:00.000+01:00

Eitthvað til að missa vatnið yfir

Jæja hófst nú innkaupaferð.. ég hafði rekið mig á það áður að engann ostaskerara var að finna í íbúðinni.. hvað gera Gummar þá? Nú ég taldi þetta nú sussum ekki mikið mál, ég bara fer og kaupi einn slíkann, en hvað svo? Þá er bara hvergi að finna í þessari blessuðu borg og missti hún nú töluvert af stigum hjá mér við það, eftir leit í heilann dag og 8 búðum síðar, sem gáfu sig út fyrir að selja allt, þá sá ég auglýsingu frá ikea.
Blessaðir svíjarnir geta nú ekki brugðist mér þannig að ég lagði leið mína langt út úr bænum í Ikea og viti menn, auðvitað var að finna standard ikea ostaskerara vííí, ég verslaði ýmislegt annað nauðsinlegt eins og kaffipressukönnu ofl. en beið svo í 2 tíma eftir leigubíl fyrir utan helv.. búðina. Jæja ég var allavega með ostaskerara.. þá var haldið heim á leið. Þetta er nú sussum fínn staður til að vera unite student accomodation, allir starfsmenn gefa sig út fyrir að vera vinir manns og allt hæfilega yfirborðskennt... en næs samt. Á laugardags nótt fór reyndar brunakerfið í gang á stigaganginum við hliðina og ég fór náttúrulega út til að kynna mér málið.. þá kom í ljós að þetta var í 8 skiptið þessa nótt og íbúarnir að vonum mjög pirraðir, svo virtist vina-starfsmaðurinn sem var að reynað redda þessu vera að reynað finna stað fyrir þau að sofa á, af því að hann vissi ekkert hvað var í gangi, jah nema brunabjallan, Jæja ég sagði þeim að ég vonaði að þetta myndi reddast hjá þeim og fór sjálfur upp að sofa.. hí á ykkur nei spaug.. þeim fannst það ekki fyndið, wonder why..
Svo hitti ég gaur hér sem er að fara í sama skóla og ég en á aðra braut.. það var nokkuð mögnuð tilviljun þar sem enginn sem ég hef hitt hér hefur heyrt um þennan skóla,, jæja við erum orðnir nokkuð góðir kunningjar og komum til með að ferðast fram og til baka í skólann saman líklega en það kemur í ljós.......
anyways nóg blaður í bili
nætínæt

Land án ostaskerararæ!!!

2005-09-03T12:43:00.000+01:00

Eitthvað til að missa vatnið yfir

Jæja gott fólk þá byrjar bloggið aftur..
Nú, Til að gera langa sögu stutta þá er ég fluttur til Glasgow in Scotland.
Flugið gekk áfallalaust fyrir sig sussum en hvað er þetta með þessi hljóð sem koma rétt fyrir lendingu? Þetta er svona jah eins og flugvélin sé að klofna í tvennt en öllum er sama.. þannig að mér var bara sama líka. Anyways, svo kom að því að komast í herbergið sem ég átti að vera kominn með en var allt eitthvað óráðið áður en ég kom út. Jú littli kallinn í afgreiðslunni reddar þessu segir feitlagin skosk kona með dreka tattú á vinstri upphandleggi, úff ekki ætla ég að bögga þessa.. Jæja littli kallinn er sussum vænsta skinn, en hann kemst ekki inn í íbúðina.. hann rýkur niður og kemur upp með 2 aðra lykla, neibb þetta virkar ekki heldur, þá spyr hann mig hvort ég vilji ekki bara koma með honum niður o spjalla og sonna meðan hann reddar þessu, jú ég er sussum til í það, var reyndar bara búinn að sofa í 2 tíma og ferðast í 6, en ég tölti samt niður með honum. Jæja þetta reddaðist nú á endanum og hér er ég inn í herbergi með sturtu klósetti vaski rúmmi skrifborði hillum skáp og stól að ógleymdri ruslatunnuni.. svo er sameiginlegt eldhús frammi.
Ég er búinn að hitta einn nágranna af 4 og er það kóresk stelpa sem er að læra á orgel..
Hún er sussum ágæt soldið stíf bara..
Fór í gær að skoða skólann, fann hann ekki, labbaði framhjá og settist inn á bar til að svala þorstanum, nema hvað barþjónninn var eins og fat tony, mafíósi frá helvíti!! Spikfeitur með eyrnalokk og jah kanski 2 tennur.. Þetta var líklega einn sjúskaðasti bar sem ég hef sest á,
Hann var með gullfiska bak við barinn, ég spurði hann hversu drukknir þeir væru þá sagðist hann aðeins gefa þeim Bacardi romm þannig að þeir væru vel haldnir , hmm..
Jæja ég skellti restina af þorstasvalaranum í mig og dreif mig út, Tony brosti út að eyrum og kvaddi mig iiiiiú´´uúú, fínn gaur samt.. jæja ég fann loks skólann og komst að því að ég hlyti að hafa verið að leita með lokuð augun því þetta var mjög greinilegt á götunni sem ég var á áður..
Í stuttu máli er skólinn bara magnaður, allt fólkið vinalegt og kennarinn snillingur, græjurnar sweeeet og ég má hanga þarna eins og ég vil..vííííííííííííííí
Jæja meira næst
hafið það gott túrilú

Smásaga fyrir jólin

2004-12-03T10:10:00.000Z

Eitthvað til að missa vatnið yfir

Hér er lítil saga af manni sem sat heima hjá sér, horfði upp í loftið og velti fyrir sér hvaða fjall skyldi klýfa næst. Hann þurfti líka að finna út hver skildi bera farangurinn fyrir sig og vera honum til halds og trausts ef hann dytti. Hitinn í stofunni var um 25° og kanski tími til komið að slökkva í arninum, það gæti farið að bráðna málningin á Tolla málverkinu fyrir ofan arinninn. Skildi Tolli hafað málað þetta eftir góða hugmynd í rúmminu? það er spurning.. Þessi ljúfa stund þanka var rofinn af angurværu hljóði dyrabjöllunar. Letilega staulast okkar maður upp úr lazyboy stólnum, án þess að taka skemilinn niður, smellir sér í inniskóna til að krókna ekki á köldum marmaraflísunum á leiðinni að hurðaopnaranum. Í dyrasímanum, sem var tengdur við eftirlitsmyndavél, sér hann ókunnugann mann fyrir utan dyrnar haldandi á miða. Og hann ansar ekki þegar okkar maður kastar kveðju í dyrasímann.. "hvað viltu herra minn?" ... " " ekkert svar.. en maðurinn hringir aftur, hins vegar, okkar manni til mikils ama því ansans hljóðið skarst í eyrun gegnum tólið.. "hvaða helvítis rugl er þetta" tautar okkar maður og strunsar niður stigann í átt að dyrasímanum. Er þangað var komið rykkir hann upp útidyrahurðinni og hreytir út úr sér " hvað viltu?" Aðkomumanninum verður bylt við, en réttir upp miða sem á stendur : Happdrætti til styrktar heyrnalausum á íslandi... "já" segir okkar maður.. "hmm, þú segir það, eða.. já .. þú veist hvað ég meina, hehe.." .. "heyrðu jájá, ég skal kaupa af þér miða, það er ekkert mál, maður er miklu viljugri til að styrkja gott málefni eftir að þið tókuð upp á því að gefa skó par með miðanum.. eða er það ekki ennþá díll?" ... " " ekkert svar.. en aðkomumaðurinn réttir miðann enn hærra .. "ha, já hmm.. var það ekki hjá heyrnalausum.. eða var það langveik börn?,, ert þú ekki með skópar?" .. " " ekkert svar einu sinni sem oftar, og aðkomumaðurinn er orðinn langeygur eftir einhverskonar merki um hvort miðinn seljist eður ei. " heyrðu vinur" segir okkar maður "ég hef bara ekki áhuga á þessu akkúrat núna... hmm.. en þið ættuð að taka upp svona skósystem eins og langveikir,, það er alvöru bissness.. maður styrkir miklu frekar ef maður fær eitthvað í staðinn.. þannig er nú það .. jæja vertu blessaður.. og passaðu þig að detta ekki í hálkunni fyrir utan húsið.. helvítis borgarstarfsmennirnir hafa ekki hunskast til að salta innkeyrsluna hjá mér .. jæja vertu sæll." og hurðin skellur aftur.

og svona bæ ðe vei.. man einhver eftir olíusamráðsöðlingunum.. sumir þeirra kunna að syngja!!

nöldur í amstrinu

2004-11-17T13:33:00.000Z

Eitthvað til að missa vatnið yfir

Þá hef ég tekið að mér að skemmta íbúum mánagötu og kitla hláturtaugar þeirra, jah allavega til skamms tíma. Þannig atvikaðist um daginn að er ég kom heim, þá heyrði ég í bjöllu Megasar, heimiliskattarins. Nú þar sem það er sussum ekki mjög óeðlilegt að hann vilji nýta ferð mína inn í íbúðina til að skella sér með (nýtinn köttur), þá kíkti ég í kringum mig í þeirri von að festa augun á kvikindinu. En ekkert bólaði á spottinu. Samt heyrðist í bjöllunni, nú ég tók mig til og klóraði mér hressilega í toppstykkinu þangað til að ég fer að heyra angurvært en talsvert taugastrekt mjálm. Og það kemur að ofan!!! Nú næsta skref í stöðunni var að líta upp, en reyna samt að hafa það soldið lúmst því, jah mér þótti það frekar ólíklegt að spottið gæti flogið.. En þarna var hann!! upp á skyggninu fyrir ofan útidyrahurðina!!! Og hvernig komst hann þangað?!? ég bara spyr. Upphefst þá gríðarleg björgunartilraun. Þar sem kötturinn gerði sig líklegann til að stökkva niður varð að hafa hraðann á, svo ég setti í þiðja og brunaði upp í íbúð og náði í stól. Nú. Ég stillti honum upp og steig upp á hann í þeirri von um að mínir fjölmörgu cm myndu duga til að tegja mig í spottið og bjarga honum úr sjálfheldunni. Það gekk ekki þrautalaust fyrir sig þar sem ég virtist hafa farið í of djúpa sokka um morguninn og náði því ekki nógu langt til að fullnægja þeirri vegalengd er þurfti að drífa varðandi björgun þessa. Þar sem ég reyndi að tegja mig í kvikindið þá dettur stóllinn og þarna hangi ég á einni hendi á hraunskyggninu og dett svo niður.. ekki hátt fall, en samt nóg til að kæta viðstadda áhorfendur sem bæ ðe vei geru ekkert til að aðstoða bjargvættinn. Nú ég geri aðra tilraun enda spottið orðið talsvert frústererað, ég stillti stólnum nú upp við vegg og reyndi að tegja mig ennþá lengra.. nú það endaði með því að kvikindið beit mig bara og vældi enn þá meira.. Þá gerðist það.. brainstorm.. og himnarnir ljómuðu er þeir sendu mér þessa líka snjöllu hugdettu.. ég steig af stólnum og teigði stólinn upp í þeirri von um að spottið sægi sér fært að stíga á stólinn´. Nú hann gerði það eins og skot og ég leit út eins og fífl fyrir að hafa ekki fattað þetta, og það kætti mikið mína elskulegu nágranna í götu mánans.
Nú ég gekk hægt um gleðidyrnar heima með blóðugar hendur, en dýravinir, ekki örvænta ekkert sást á kettinum og hann var byrjaður að býta mig aftur mjööög fljótlega.+
Köttur upp á skyggni úti er ævintýri!!!

nóvemberblogg vegna kulda

2004-11-10T10:52:00.000Z

Eitthvað til að missa vatnið yfir

Jæja, blogg mánaðarins.. þetta er nú að verða ansi vandræðalegt, þessi bloggleti...
En hugsa sér, ég hef ekki orðið veikur í ca 3 ár, þ.e. almennilega, en svo núna í kjölfar velheppnaðar airwaves hátíðar steinlá strákurinn bara í 2 vikur!! Fyrst var það flensan og svo einhver önnur leiðindapest sem náði að skella sér með flensunni og sá til þess að veikindadagarnir urðu enn fleiri. Nú, þetta hefði sussum geta verið verra, þ.e. að ég hefði þurft að liggja einn heima en, konan steinlá líka og því áttum við tvær yndislegar vikur, heima við með kertaljós, góðann pappír, nóg af hausverkjalifjum, og áttum fínar, nefmæltar, umræður, með snítupásum. Nú til að bæta gráu ofan á svart, að þá veiktist kötturinn líka!! Hann tók nú bara einn dag í það, eða eina nótt reyndar að æla út um alla íbúð, greiið litla, en svo hafði hann ekkert tíma fyrir einhver veikindi, hann þurfti nefnilega að nýta dýrmaætan tíma sinn í að hlaupa á eftir laufblöðum úti í garði.
Nú, þar sem Þórólfi tókst ekki að þrífa olíublettina úr buxum sínum lét hann af embætti borgarstjóra. En það sem hann hefði mátt prófa var að þrífa þær með bensíni.. virkar vel hef eg heyrt. Enda eru allir þessir gömlu samráðsforstjórar með bláa hanska sem hefði mátt slengja framan í Davíð og starta nýju óhróðarstríði í miðlum landsins. Það er nú þannig að ef að Reykjavíkurlistinn hefði bara beitt gömlu sjálfstæðisaðferðunum og bara þagað málið í hel þá hefði það ekkert skaðað þá vegna þess að allir vita að skammtíma minni íbúa Gunnarshólma er lítið sem ekki neitt, og í byrjun desember væru allir hættir að hugsa um þetta og orðnir haldnir ofsakvíða vegna jólanna.
Jæja nóg röfl í bili

vííííííííííííííííííííííííííííííííííííííííííííííííííííííííííííííííííííííííííí

2004-10-13T11:35:00.000+01:00

Eitthvað til að missa vatnið yfir

Hann á ammli í daaaa hanna á ammmli í daaa ann á ammli ann Hafsteinn ann á amli í daaaaaaaaaaaaghhhh... jú hann Hafsteinn, hinn persónuleikinn, minn á afmæli í dag.. og þar með ég líka!?! Við erum orðnir kvart hundrað og stefnum ótrauðir á fimmtung af 150 árum. Já svona gengur það og ekki stoppar það enda yrði það bara vandræðalegt.. Fyrir hönd allra hárana á mér vil ég óska okkur til hamingju (en hárin eru all mörg þessa dagana og eru þetta því annsi veglegar kveðjur)
Takk takk

úff ég hugsa of mikið

2004-10-08T13:46:00.000+01:00

Eitthvað til að missa vatnið yfir:

Nú eflaust myndu einhverjir gagnrýnendur farað bísnast yfir blogg leti minni.. en á því eru skýringar.. nú.. ég týndi aftur lykilorðinu.. og hef ég þá formlega komist í hóp alzeimer light sjúklinga.. en sá hópur hefur enn ekki stofnað samtök því ósköp fáir í þessu samfélagi hraðans átta sig á þessum skort á minni sínu.
eníveis.. Það sem drífur á daga manns er ansi margt.. ég gerði t.d. vonlitla tilraun til að næla mér í miða á Tom Waits í London og svo í Berlín og svo í Amsterdam en þar sem snillingurinn er svo sérvitur að vilja einungis halda tónleika sína á litlum tónleikastöðum þá var miðamagnið ansi hreint takmarkað og virtist sem allir miðarnir væru jafnvel seldir áður enn þeir fóru á sölu !?! jæja það er seinni tíma vandamál.. nú þegar rokið hefur blásið burtu hinu annars ágætlega sólríka íslenska tónleikasumri þá stefnum við óhikað á blessaðann snjóinn. Himnar sumra fyllast eflaust af skýjum sem menga hugsanir og valda götum í ósonlagi hugans.. En mitt plan er að takast á við þessi gróðurhúsaáhrif tilverunnar.. það er jú búið að bera þessar tilgátur um rof ósonlagsins af sökum olíubrennslu til baka og því má leiða líkum að því að Þetta skammdegisþunglyndi sé aðeins hreinn hugarburður sem á sér í raun enga stoð í brothættum raunveruleikanum. Einn mætur maður sagði um daginn að eftir því sem hann vissi meira og fylgdist meira með að því þunglyndari yrði hann.. það er nokkuð til í þessu. Það er öllum sussum holt að vita hversu gott við höfum það miðað við æfi og umhverfi annara ,, en það má ekki ganga mikið lengra en það.. við björgum ekki heiminum með því að vorkenna öðrum. Ég tek mark á Dalai Lama sem sagði að lykillinn að lífshamingjunni væri að sætta sig við óendanleika alls.. það varir ekkert að eilífu og því fyrr sem maður sættir sig við það því betra. Og annað það erum sussum meiri líkur enn minni að það leinist líf eftir þetta líf. Og hvað segir þetta mér? LIVE IN THE NOW!!!! rækta andann, rækta augnablikið, það sem drepur þig ekki gerir þig sterkari, orð særa, sverð drepur en samt eru orð sterkari enn sverð.. því er það? Útbúa þarf brynju utan um sálina og heilan svo þessi beittu orð sem rigna á mann stundum hrökkvi bara af og verði öðrum til skammar.. það er galdurinn.. Sjálfselska verður að vera málið... upp að talsverðu marki .. það gleður mig að gleðja aðra.. því er ég sjálfselskur þegar ég gleðja aðra en mig.. allt er þetta eilíf hringa vitleisa eða hvað?

Loksinsstóll (sagði einhver) hef ég komist aftur inn á bloggið mitt !!

2004-09-22T14:17:00.000+01:00

Eitthvaأ° til aأ° missa vatniأ° yfir

Jæja þá hef ég loksins hafið þankadeilingar aftur eftir mikla baráttu við þetta blessaða blogger kerfi.. haldiði að mér hafi ekki barasta tekist að steingleyma lykilorðinu mínu og hef því lítið getað bloggað.. enn dó ég ráðalaus... neeeeeeei ég bara tók upp gamla pennann og gömlu dagbókina og bloggaði á pappír. nú þar sem ég er svo mikill náttúrusinni þá fannst mér þetta vera of mikil eyðsla á regnskógum landsins þannig að ég setti meiri kraft í endurheimtingarápassword-baráttuna mína og viti menn .. já þeir vita!!!
Gangiði hægt um gleðinar glugga
greyin mín og hlægið

.... og botniði nú!!!

jamm og jæja ofl.

2004-08-05T15:09:00.000+01:00

Eitthvað til að missa vatnið yfir

aaaaaaaaaaaaaaaaaaaaaaaaaaaaaaaaaa!!!!!!

2004-07-28T09:17:00.000+01:00

Eitthvað til að missa vatnið yfir

Mér er fyrirmunað að láta þessa rafeindakassa virka rétt!!! Reyndi í heila 3 tíma í gærkvöldi að download-a nauðsinlegu forriti í kassaræsknið ( að sögn sérfræðinga ) og ekkert gekk. Jú hr. Reikningur Hlið lét sko aldeilis á sér kræla með gula og rauða spjaldið og mér, í sífellu hent í sturtu. Jæja nú er kominn nýr dagur og það þýðir víst ekki að reyta hárið lengur, enda er það löngu búið og ég byrjaður á pungsa... það er bara svo helv.. vont. Nú hefur tímaglasinu verið snúið við og nóg af sandi til að spreða í þessa endlausu baráttu við rafeindir!! jæja over and out.. p.s. kann einhver að setja inn linka á svona síðu..?

Jah skoh nú er það svart...

2004-07-27T01:05:00.000+01:00

Þar fór það... hugsanir komnar af blaði yfir á skjá, sem heldur að hann sé sjónvarp. En hvað get ég sagt? það er ekki honum að kenna að einhverjum Reikning Hlið datt í hug að troða þessu upp á alsaklausan og sótsvartann almúgann. Við erum bara sökkerar fyrir nýjungum hvursu heimskulegar sem þær eru... Ef Rekningur myndi kynna nýja byltinga kennda uppgötvun sem væri virtual sokkar þá myndu allir fara út í BT og versla þá... Manni er skítkallt í þeim ... en þetta er samt nýjasta tækni. Ó well... jæja en hver er svo breytingin, jú í stað þess að vera illt í puttonum og vera pirraður yfir að skilja ekki eigin skrift, þá er maður á barmi synaskeiðsbólgu og kominn með bauga, sem gætu auðveldlega verið girtir niðrí naríur, af stanslausu og árásagjörnu pikki á lyklaborð hannað af Reikningi Hliði. En nóg af pólitík ég er farinn í draumalandið á vit takmarkalausrar ýmindunar... er einhver hér? ekki ég allavega
gúd bæ